തിരിച്ചു ബാംഗളൂർലേക്

                                                    അങ്ങനെ അന്നത്തെ ദിവസം അടിച്ചു പൊളിച്ചു.തല കറക്കുന്ന പരിപാടികളും വെള്ളത്തിൽ ചാട്ടവും വായി നോട്ടവും ആയി ദിവസം തീർത്തു. അവസാനത്തെ വേവ് പൂളും കഴിഞ്ഞപ്പോൾ തിരിച്ചു പോരാൻ ഉള്ള പ്ലാൻ തുടങ്ങി. പിന്നെ ഫുഡ്‌ അടിയും എല്ലാം കഴിഞ്ഞു ഇറങ്ങിയപ്പോൾ രാത്രി 8 മണി. റിട്ടേണ്‍ ടൈം അറിയാത്ത കൊണ്ട് ടിക്കറ്റ്‌ ബുക്ക്‌ ചെയ്തിരുന്നില്ല. പതിവ്  സീൻ കോണ്ട്ര. കൂട്ടുകാരൻ എന്നെ വൈറ്റില ഹബിൽ കൊണ്ടു പോയി വിട്ടു.അവിടെ നിന്നും കെ എസ് ആർ ടി സി സ്റ്റാൻഡിലേക്ക് പോയി.  9.15 നു ഒരു ബാംഗ്ലൂർ വണ്ടി ഉണ്ടെന്നു ഇൻറർനെറ്റിൽ  കണ്ടാരുന്നു.ഇനി അതാണ് ശരണം.
                                                  ഓടി പിടിച്ചു സ്റ്റാൻഡിൽ എത്തിയപ്പോൾ വീണ്ടും പണി പാളി.ഷെഡ്യൂൾ ക്യാൻസൽഡ്‌..,ഇനി വേറെ ബാംഗ്ലൂർ വണ്ടി ഇല്ല. ഇനി ഞാൻ വണ്ടി കേറി ഇറങ്ങി പോകണം.....ഉറക്കത്തിന്റെ കാര്യം ഗോവിന്ദ...അപ്പോഴാണ് രാത്രി 11 നു തൃശൂർ നിന്നും വേറെ ഒരു വണ്ടി കൂടെ ഉണ്ടെന്നു കണ്ടത്. ഇനി അത് നോക്കാം. അങ്ങനെ എറണാകുളത്ത് നിന്ന് ഒരു സൂപ്പർ എക്സ്പ്രെസ്സിൽ കേറി ഇരുന്നു.ഉടനെ തന്നെ ആ വണ്ടി തിരിച്ചിട്ടു.ഉടനെ പോകുന്ന ലക്ഷണം ഇല്ല.
                                              അങ്ങനെ നോക്കി ഇരുന്നപ്പോൾ ഒരു പഴനി എക്സ്പ്രസ്സ്‌ വന്നു.ഓടി പോയി അതിൽ കയറി.അതും സ്റ്റാന്റ് പിടിച്ചു.എന്റെ നേരം നല്ല നേരം ആയിരുന്നു.എന്തായാലും ഇരിക്കാൻ സീറ്റ്‌ കിട്ടി. പക്ഷെ ഉടനെ തന്നെ വണ്ടി എടുത്തു.ബസ്‌ നിറയെ ആൾക്കാർ ഉണ്ടാരുന്നു.ഇടക്ക് ഒരു ചേട്ടൻ കമ്പിയേൽ ചാരി നിക്കാൻ നോക്കിയപ്പോൾ അടുത്തിരുന്ന ആൾ ഉടക്കി.സീറെൽ ഇരിക്കുന്ന ചേട്ടന് ഉറങ്ങാൻ പറ്റുന്നില്ലത്രേ. ഒടുവിൽ കണ്ടക്ടർ വന്നു പ്രശ്നം പരിഹരിച്ചു. നിക്കുന്ന ചേട്ടനോട് മര്യാദയ്ക്ക് നിന്നില്ലേൽ അടുത്ത സ്റ്റോപ്പിൽ ഇറക്കി വിടും എന്ന് പറഞ്ഞു.സീറ്റിൽ ഇരിക്കുന്നാർ എല്ലാം റിസർവേഷൻ ഉള്ളവർ ആണ് പോലും. ഞാൻ എഴുന്നേറ്റ് ആ ചേട്ടനെ ഇരുത്തിയാലോ എന്നാലോചിച്ചു. പിന്നെ ഞാൻ പോകേണ്ട ദൂരവും യാത്ര ചെയ്യേണ്ട വിധവും ആലോചിച്ചപോൾ വേണ്ട എന്ന് തോന്നി.
                                       11 ഇന്റെ വണ്ടി പിടിക്കേണ്ട ഞാൻ തൃശൂർ എത്തിയത് 11.15 ജ.ആ വണ്ടിയും പോയി.ഇനി ഞാൻ ഓര്ത്ത പോലെ കേറി ഇറങ്ങി പോകണം... വല്ല കോയമ്പത്തൂർ വണ്ടി വരുമോ എന്ന് നോക്കി കുറെ നേരം നിന്നു .. ഒരു വണ്ടിയും വന്നു ഞാൻ കണ്ടില്ല. കിലുക്കത്തിൽ രേവതി മാം പറയുന്ന ഡയലോഗ് ആണ് ഇപ്പോൾ തോന്നുന്നത്.അപ്പോൾ ഇതൊന്നും മനസ്സില് വന്നില്ല. ആകെ വന്നത് ഞാൻ താമസിക്കുന്ന സ്ഥലം ആണ്.പിന്നെ സാറ്റലൈറ്റ് ബസ്‌ സ്റ്റാൻഡും. കുറച്ചു നേരം കൂടെ അതിലെ കറങ്ങിയിട്ട് എൻക്വയറിയിൽ ചെന്ന് കോയമ്പത്തൂർ ബസ്‌ ഉണ്ടോ എന്ന് ചോദിച്ചു.
                                            അപ്പോൾ കിട്ടിയ ഉത്തരം ഇതാരുന്നു.1220 നു ഒരു ബാംഗ്ലൂർ വണ്ടി വരൻ ഉണ്ട്.കൊള്ളാം.രോഗി ഇശ്ചിച്ചതും വൈദ്യൻ കൽപ്പിച്ചതും പാൽ. എന്നാലും ചോദിച്ചു അത് കോയമ്പത്തൂർ വഴി ആണോ അതോ മൈസൂർ ആണോ? അതറിയില്ല വണ്ടി ബാംഗ്ലൂർ ആണെന്നരുന്നു മറുപടി.ഡീലക്സ് ആണോ എക്സ്പ്രസ്സ്‌ ആണോ എന്നതിന് എക്സ്പ്രസ്സ്‌ എന്ന് പറഞ്ഞു.കോവൈ വണ്ടി ചോദിച്ച എനിക്ക് ബാംഗ്ലൂർ വണ്ടിടെ സമയം പറഞ്ഞു തന്ന ചേട്ടാ,ചേട്ടൻ കൊള്ളാം. എനിക്ക് പോകേണ്ടത്  ബാംഗളൂർക് ആയ കൊണ്ട് ഞാൻ ഒന്നും പറഞ്ഞില്ല.

    1215 ആയപ്പോൾ ഒരു എക്സ്പ്രസ്സ്‌ വന്നു.നോക്കിയപ്പോൾ ബാംഗ്ലൂർ ബോർഡ്‌.. ഓടിപ്പോയി കേറി.വണ്ടി ഫുൾ ആണ്. ഏറ്റവും പുറകിൽ സീറ്റ്‌ ഫ്രീ ആണ്.സീറ്റ്‌ ഇല ഇരുന്നിട്ടാണ് ഞാൻ വണ്ടി എവിടുന്നാണെന്ന് നോക്കിയത്.നോക്കിയപ്പോൾ പയ്യൻ നമ്മുടെ സ്വന്തം.പാല-ബാംഗ്ലൂർ സൂപ്പർ എക്സ്പ്രസ്സ്‌ .രാത്രി 9 നു പാല വിടുന്ന ഞാൻ ഈ വണ്ടി മനപ്പൂർവം ഒഴിവാക്കിയതാരുന്നു. പാല വിടുമ്പോൾ ലേറ്റ് ആകും.ബാംഗ്ലൂർ എത്തുന്നതും ലേറ്റ്.പിന്നെ എന്തിനു ഇതിൽ കേറണം?പക്ഷെ ഒരാവശ്യം വരുമ്പോൾ സ്വന്തം ആൾക്കാർ  തന്നെ ആണ് സഹായത്തിനു വരുന്നത്.
    എന്തായാലും ഇന്നത്തെ സഹായം സന്തോഷത്തോടെ സ്വീകരിച്ചേ മതിയാകൂ.അങ്ങനെ വണ്ടി തൃശൂർ വിട്ടു.പെരിന്തൽമണ്ണ നിന്നും ആരോ കേറി എന്ന് തോന്നുന്നു.നിലമ്പൂർ ഡീസൽ അടിക്കാൻ  കിടന്നു.പമ്പിന്റെ അവിടെ നിന്ന് പിന്നെ മാറ്റി ഇട്ടു.രാത്രി കാടു കേറാൻ പാസ്‌ ഇല്ലാത്തതു കൊണ്ടു  സമയം കളയാൻ ഉള്ള മാർഗങ്ങളിൽ പെട്ടതാണ് ഇതെല്ലാം.അവിടെ നിന്ന് വഴിക്കടവ് പോയി റോഡരുകിൽ  കിടന്നു.പിന്നെ ഒരു ചായക്കടയുടെ സൈഡിൽ നിർത്തി  കാപ്പി കുടിച്ചു.അങ്ങനെ സമയം കളഞ്ഞു 6  നു കാടു കേറി.ഏതോ ഒരു സമയത്ത് മൈസൂര് എത്തി.അവിടം വിട്ടു കഴിഞ്ഞപ്പോൾ കാപ്പി കുടിക്കാൻ നിർത്തി. കാപ്പി കുടി കഴിഞ്ഞു ഞാൻ വണ്ടിയുടെ കുറച്ച ഫോട്ടോസ് എടുത്തു.
                                              എന്നെ ബാംഗ്ലൂർ സാറ്റ് ലൈറ്റ്  സ്റ്റാൻഡിൽ ഇറക്കി വിട്ടപ്പോൾ 1030 കഴിഞ്ഞു.പിന്നെ ഞാൻ വീട്ടിൽ എത്തിയപ്പോൾ 1 കഴിഞ്ഞു.

ചിത്രത്തിന് കടപ്പാട് : അശ്വിൻ കേരള ആർ  ടി സി ഫാന്നിംഗ് .




                                           

ബാംഗ്ലൂർ എറണാകുളം ആർ എ കെ 239 ബസിൽ

                                           അങ്ങനെ ബാംഗ്ലൂർ ജീവിതം സന്തോഷ പൂർണ്ണമായി കൊണ്ടാടുന്നതിനിടയിൽ ആണ് കൂട്ടുകാരന്മാരുടെ പുതിയ പ്ലാൻ വന്നത്. ഒരു ദിവസം വണ്ടെർലാ യിൽ പോകണം . നീണ്ട ചർച്ചകൾക്കൊടുവിൽ ദിവസം ഫിക്സ് ചെയ്തു.ഏപ്രിൽ 19. അപ്പോൾ അവിടെ പോകണം.ബാംഗ്ലൂർ കിടക്കുന്ന  ഞാൻ ഒരു ദിവസത്തേക്ക് എറണാകുളം വണ്ടെർലാ വരെ.വെറുതെ പോകുന്ന കാശിനെ കുറിച്ചായിരുന്നു ചിന്ത മുഴുവൻ.പക്ഷെ പോകണം എന്നായിരുന്നു മനസ്സ് നിറയെ.
                                                മനസ്സിൽ ഒരു കാര്യം ചെയ്യണം എന്ന് വിചാരിച്ചാൽ അത് ചെയ്തിരിക്കണം.അങ്ങനെ നേരെ KERALARTC.COM ൽ കേറി എറണാകുളം വണ്ടികളുടെ ഡീറ്റയിൽസ് തപ്പി.16.15 നു ഒരു എക്സ്പ്രസ്സ്, പിന്നെ ഒരു വോൾവോ, അത്രയും വണ്ടികളെ ഉണ്ടായിരുന്നുള്ളു എന്ന് തോന്നുന്നു.പിന്നെ ടിക്കറ്റ്‌ നോക്കി.വോൾവോയുടെ റേറ്റ് 700 നു അടുത്ത്.എക്സ്പ്രസ്സിന് 424.പരമാവധി കാശു കുറച്ചുള്ള യാത്ര ആണ്.എക്സ്പ്രസ്സ്‌ മതി എന്ന് വെച്ചു.ഇനി ബസിനെ കുറിച്ചറിയണം.ഫേസ്ബുകിലെ ഗ്രൂപ്പിൽ  കേറി നോക്കി.കൊള്ളാം.സീറ്റ്‌ റിസർവേഷൻ വേണോ വേണ്ടയോ എന്നതായി പിന്നത്തെ കാര്യം. നോക്കിയപ്പോൾ റിസർവേഷൻ തീരെ കുറവ് . എന്തായാലും സീറ്റ്‌ ഫുൾ ആകില്ല എന്നൊരു തോന്നൽ. ഒരു റിസ്ക്‌ എടുത്തു നോക്കാം.
    അങ്ങനെ ഒരു 4.30 കഴിഞ്ഞപ്പോൾ സ്റ്റോപ്പിൽ പോയി നിപ്പു തുടങ്ങി.എപ്പോഴാണ് വരുക എന്നറിയില്ലല്ലോ. റിസർവേഷൻ ഇല്ലാത്ത കൊണ്ട് വണ്ടി വിട്ടു പോയാലോ എന്നൊരു തോന്നൽ വേറെയും. എന്തായാലും നിൽപ്പ് അങ്ങ് നീണ്ടു പോയി. 5 കഴിഞ്ഞപ്പോൾ ഒരു സംശയം.ഇനി ഇവരെങ്ങനും പോയി കാണുമോ??കൂട്ടുകാരൻ ഒരുത്തനെ വിളിച്ചു.സാധാരണ വരുമ്പോൾ 5 ആകും എന്നും ഇന്ന് വെള്ളിയാഴ്ച ആയ കൊണ്ട് പിന്നെയും താമസിക്കുമെന്നും അവൻ പറഞ്ഞു.ആശ്വാസമായി.ഇനിയുള്ള ടെൻഷൻ ഇവിടെ നിർത്തുമോ എന്നുള്ളതാണ്.ബോർഡിംഗ് പോയിന്റ്‌ ആണെങ്കിലും ഒരു ടെൻഷൻ. അവസാനം 5.25 ആയപ്പോൾ ബസ്‌ എത്തി.റോഡിലേക്കിറങ്ങി നിന്ന് കൈ കാണിച്ചു.കുറച്ച് മുൻപിലോട്ടു മാറി വണ്ടി നിർത്തി.ഓടി പോയി ബാക്ക് ഡോർ തുറക്കാൻ നോക്കി. സാധാരണ എനിക്ക് പറ്റാറുള്ള പോലെ തന്നെ സംഭവിച്ചു.ഡോർ തുറന്നില്ല.പിന്നെ കണ്ടക്ടർ മുന്നിലെ ഡോർ തുറന്നു തന്നു.അകത്തു കേറി സീറ്റിംഗ് കണ്ടപ്പോൾ സമാധാനം ആയി.ആകെ 20 പേർ കാണും. എറണാകുളം ടിക്കറ്റ്‌ എടുത്ത് ഒരു വിന്ഡോ സീറ്റ്‌ പിടിച്ചു.ഹൊസൂർ ആയപ്പോൾ കുറച്ച പേര് ഇറങ്ങി.പിന്നെയും  കിലോ മീറ്ററുകൾ കിടക്കുന്നു ഓടിയെത്താൻ.
എന്തിനെന്നറിയില്ല ഞങ്ങൾ സേലം സ്റ്റാൻഡിൽ കയറി.വണ്ടി തിരിച്ചു ഇറങ്ങി പോന്നു.ആരും കയറിയതും ഇല്ല ഇറങ്ങിയതും ഇല്ല. സേലം കഴിഞ്ഞപ്പോൾ കഴിക്കാൻ നിർത്തി. ഇവര് ഈ ഹോട്ടെലുകൾ എങ്ങനെ കണ്ടെത്തുന്നുവോ ആവോ.എന്തായാലും ഒരു പ്ലേൻ ദോശ കഴിച്ചു വിശപ്പടക്കി.പിന്നെ ഒന്നും നോക്കിയില്ല മൂന്നു പേർക്കിരിക്കാൻ ഉള്ള ഒരു സീറ്റിൽ കേറി അങ്ങ് കിടന്നു.ഞാൻ മാത്രമല്ല എല്ലാവരും കിടന്നു.അത്ര മാത്രം ആൾക്കാരെ ഉണ്ടായിരുന്നുള്ളു.
                                                   കോയമ്പത്തൂർ എത്തുന്നതിനു മുൻപ് ഉണർന്നു.12.15 ആയപ്പോൾ കോവൈ എത്തി.ഗാന്ധിപുരം സ്റ്റാൻഡിൽ കുറെ നേരം കിടന്നു.കുറച്ച പേർ കയറി.അതുകൊണ്ട് സീറ്റിൽ എഴുന്നെറ്റിരിക്കേണ്ടി വന്നു.ഉക്കടം ആയപ്പോൾ കുറെ പേർ കൂടെ കേറി.ബസ്‌ നിറഞ്ഞു.വാളയാർ കഴിഞ്ഞു കേരളത്തിലേക്ക് കടന്നപ്പോൾ റോഡിൻറെ വ്യത്യാസം മനസിലായി.ചാടി കുടുങ്ങി എന്റെ നടുവിന്റെ പണി തീര്ന്നു.പാലക്കാട്‌ എത്തിയപ്പോൾ കുറച്ച പേര് ഇറങ്ങി.എന്നാലും എന്റെ സീറ്റിൽ ആൾക്കാർ ഉണ്ട്.കിടക്കാൻ പറ്റില്ല. അവർ തൃശൂർ ടിക്കറ്റ്‌ ആണ്.
                                                             അങ്ങനെ ഏതോ ഒരു നേരത്ത് തൃശൂർ എത്തി..ആൾക്കാർ ഇറങ്ങി ബസ്‌ വീണ്ടും കാലി ആയി.പിന്നെ വീണ്ടും കിടന്നു.ഉറക്കം ശരിയായില്ല. വണ്ടെർലയിലെ റൈഡിൽ കേറുമ്പോൾ പണി പാളുമോ എന്നൊരു ഡൌട്ട്.എന്തായാലും ഇതിൽ കൂടുതൽ ഉറക്കം ഇനി കിട്ടില്ല.അങ്ങനെ ഒരു വിധം ഞാൻ എറണാകുളത്ത് എത്തി. രാവിലെ  5 നു..അപ്പോൾ മുതൽ 5 വരെ അതിലെ ബസുകളുടെ എണ്ണം എടുത്ത് നടന്നു. അവസാനം ഒരു ലോ ഫോ ഫ്ലോർ ബസേൽ കയറി വൈറ്റില ഇറങ്ങി കൂട്ടുകാരൻറെ വീട്ടിൽ പോയി.
                                    ആർ എ കെ 239 വണ്ടി കൊള്ളം.പക്ഷെ ലെഗ് സ്പേസ് കുറച്ചു കുറവല്ലേ എന്നൊരു സംശയം. രണ്ടു ഡോർ കൊടുത്തത് കൊണ്ടാണെന്ന് തോന്നുന്നു.പിന്നെ വണ്ടിയുടെ സൈഡിൽ ഇല്ല്യുമിനേഷൻ വർക്ക്‌ ഒക്കെ ഉണ്ട്. ഫ്രണ്ടിലും ഉണ്ട് ലൈറ്റ് വർക്ക്‌....,
1725 ഇലക്ട്രോണിക് സിറ്റി
1805 ഹൊസുർ
0015 കോവൈ
0330 തൃശൂർ
0500 എറണാകുളം

ഇതാണ് ആ വണ്ടി .
ചിത്രത്തിന് കടപ്പാട് . facebook.com/ rak.ekm

എൻടെ ബാംഗ്ലൂർ യാത്ര

എൻടെ ആദ്യത്തെ ബാംഗ്ലൂർ യാത്ര തികച്ചും പ്രൈവറ്റ് ബസിൽ തന്നെ ആരുന്നു.നാട്ടിൽ നിന്നും ബംഗ്ലോരെക്കും തിരിച്ചും. വീടിനു മുന്നില് നിന്ന് തന്നെ ബസേൽ കയറാം എന്നുള്ളതും സ്റ്റോപ്പ്‌ ആകുമ്പോൾ പറഞ്ഞു ഇറക്കി വിട്ടേക്കും എന്നുള്ളതും ആയിരുന്നു പ്രൈവറ്റ് തിരഞ്ഞെടുക്കാൻ ഉള്ള കാരണം.. അതെന്തായാലും അങ്ങോട്ടും ഇങ്ങോട്ടും ഉള്ള യാത്ര കഴിഞ്ഞപ്പോൾ ഇനി യാത്രകൾ കെ എസ് ആർ ടി സി യിൽ മതി എന്ന് തീരുമാനിച്ചിരുന്നു.. ഇതിനിടയിൽ തന്നെ ഫേസ്ബുക്കിൽ ഉള്ള കെ എസ് ആർ ടി സി ഫാൻ ഗ്രൂപ്പിൽ അംഗം ആകുകയും ചെയ്തിരുന്നു.
അങ്ങനെ നാട്ടിൽ നിന്നും തിരിച് ബാംഗ്ലൂർ പോകാൻ ഉള്ള വണ്ടി അന്വേഷണം ആരംഭിച്ചു. പാല ബാംഗ്ലൂർ ബസ്‌ ഉണ്ടെങ്ങിലും വണ്ടി അവിടെ എത്തുമ്പോൾ ഒരു നേരം ആകും എന്നതിനാൽ അത് ഉപേക്ഷിച്ചു.പിന്നെ കോട്ടയത്ത് നിന്നും രണ്ടു വണ്ടികൾ ഉണ്ടെന്നറിഞ്ഞു .ഒരു സൂപ്പർ ഡീലക്സും ഒരു എക്സ്പ്രസ്സ്‌ഉം .പിന്നെ കൊട്ടാരക്കര നിന്ന് വരുന്ന വേറെ ഒരു ഡീലക്സും.ഞാൻ കോട്ടയം സ്റ്റാൻഡിൽ എത്തിയപ്പോൾ കൊട്ടരക്കര നിന്നും വരുന്ന ബസ്‌ പോകുന്നത് ആണ് കണ്ടത്.
പിന്നെ നേരെ പോയി അടുത്ത ഡീലക്സേൽ ഒരു സീറ്റ്‌ ബുക്ക്‌ ചെയ്തു.ബസ്‌ 5.30 നെ എടുക്കു.അത് വരെ സ്റ്റാൻഡിൽ വായും നോക്കി  ഇരുന്നു. കെ എസ്ആർ ടി സി യുടെ വണ്ടികളുടെ റാമ്പ് വാല്ക് നല്ല രസം ആണ്. 5 നു ഒരു കർണാടക രാജാഹംസ ഉണ്ട് മൈസോരെക്ക്.അതിനു പുറകെ കേരളായുടെ എക്സ്പ്രസ്സ് പുറപ്പെടും അതും മൈസൂർ. രണ്ടും രണ്ടു റൂട്ട് ആണെന്ന് തോന്നുന്നു.
എന്തായാലും 5 കഴിഞ്ഞപ്പോൾ ബസ്‌ സ്റ്റാന്റ് പിടിച്ചു.അപ്പോൾ തന്നെ ആതിൽ കേറി സീറ്റ്‌ പിടിച്ചു.റിസർവേഷൻ ഉള്ള കൊണ്ട് വല്യ സന്തോഷം ആരുന്നു. കൌണ്ടറിൽ വിന്ഡോ സീറ്റ്‌ വേണം എന്ന് പറഞ്ഞപ്പോൾ ഒരു വിന്ഡോ സീറ്റ്‌ തന്നെ തന്നു സഹായിച്ചു. പക്ഷെ അകത്തു കയറിയപ്പോൾ മനസിലായി റിസർവേഷൻ അവശ്യം ഇല്ലായിരുന്നു എന്ന്. കുറച്ച്പേർ മാത്രമേ ഉണ്ടായിരുന്നുള്ളു. വണ്ടി എടുതപോലെക്കും കുറച്ച പേർ കൂടെ കയറി.

                             അങ്ങനെ 5.30 നു തന്നെ യാത്ര ആരംഭിച്ചു.എം സി റോഡിലെ ബ്ലോക്ക്‌ കാരണം പതുക്കെ ആരുന്നു തുടക്കം.എന്നാൽ പിന്നെ ഇവൻ പുലി ആയി.തൃശ്ശൂർ കഴിഞ്ഞപ്പോൾ കഴിക്കാനായി നിർത്തി.അപ്പോൾ വണ്ടിയിൽ ഒരു വിധം ആളായിരുന്നു. ഫുഡ്‌ അടി ഒക്കെ കഴിഞ്ഞ് വീണ്ടു യാത്ര ആരംഭിച്ചു.നിലമ്പൂർ വഴിയാണ് യാത്ര.ഈ ബസിനു നൈറ്റ്‌ പെർമിറ്റ്‌ ഉള്ളത് കൊണ്ട് രാത്രി തന്നെ കാടു കേറാം. രാത്രിയിൽ ബന്ദിപൂർ കാട്ടില്ലൂടെ ഉള്ള യാത്രയാണ്‌ ഹൈ ലൈറ്റ്.കാട്ടുമൃഗങ്ങളെ കാണാൻ പറ്റിയേക്കും.അതിനാണ് വിൻഡോ സീറ്റ്‌.......,
ബസ്‌ പെരിന്തൽമണ്ണ എത്തിയപ്പോൾ ഫുൾ ആയി.കുറെ മൈസൂർ ടിക്കറ്റ്‌ കയറി.ഇനി യാത്ര കട്ടിൽ കൂടെ.കാട്ടിലൂടെ യാത്ര ചെയ്യുമ്പോൾ ഉള്ള പ്രശ്നം റോഡ്‌ നിറയെ സ്പീഡ് ഹമ്പ് ആണ്.ആദ്യം കുറച്ച് ഹമ്പുകളിൽ സ്പീഡ് കുറച്ച പോയെങ്കിലും പിന്നീട് സ്പീഡ് കുറക്കാൻ ഡ്രൈവർ നോക്കിയില്ല.കട്ടിൽ നിന്നും വല്ല മാനോ കാട്ടുപോത്തോ ഇറങ്ങി വരും എന്ന് വിചാരിച് ഉറങ്ങാതെ ഇരുന്നു.പക്ഷെ കുറച് മാനിനെയും പോത്തിനെയും പന്നിയെയും മാത്രമേ കാണാൻ പറ്റിയുള്ളൂ.
അങ്ങനെ ഞങ്ങൾ മൈസൂരെത്തി.മൈസൂര് ഇറങ്ങാൻ ഉള്ളവരെ ഇറക്കി വണ്ടി എടുത്തു കഴിഞ്ഞാണ് വയസ്സായ ഒരു അമ്മയെ അവിടെ ഇറക്കണം എന്ന് പറഞ്ഞത് കണ്ടക്ടർ ഓർത്തത്.പിന്നെ ആ അമ്മയെ തിരിച്ച സ്റ്റാൻഡിൽ തന്നെ ഇറക്കി.അതിനായി വീണ്ടും വണ്ടി തിരിച്ചോടി.രണ്ടോ മൂന്നോ കിലോ മീടരേ ഓടേണ്ടി വന്നുള്ളൂ എങ്കിലും ഇത് കണ്ടപ്പോൾ എന്തോ ഒരു ഫീലിംഗ്.പൊതുവേ ഡ്രൈവർ മാരെ പട്ടി ഉള്ള കാഴ്ചപാടിന് വിപരീതം ആയുള്ള ഒരു കാഴ്ച ആരുന്നു അത്. അങ്ങനെ 6.30 ആയപ്പോൾ ഞങ്ങൾ സാറ്റലൈറ്റ് ബസ്‌ സ്റ്റാൻഡിൽ എത്തി.
ഞാൻ യാത്ര ചെയ്തപ്പോൾ വണ്ടി ഓരോ സ്ഥലത്തും എത്തിയ ടൈം താഴെ കൊടുക്കുന്നു.
കോട്ടയം -1730
കൂത്താട്ടുകുളം-1830
മൂവാറ്റുപുഴ -
പെരുമ്പാവൂർ-1930
തൃശ്ശൂർ -2100
ഫുഡ്‌ വടക്കാഞ്ചേരി 2130
പട്ടാമ്പി -2220
പെരിന്തൽമണ്ണ -2255
നിലമ്പൂർ -2350
നാടുകാണി ടോൾ -0100
ഗുടല്ലൂർ-0120
ഗുണ്ടല്പെട്ട്-0245
മൈസൂർ-0400
ബാംഗ്ലൂർ -0630

എന്റെ ആദ്യത്തെതല്ലാത്ത എന്നാൽ ആദ്യത്തെ യാത്രാ പോസ്റ്റ്‌

കോളേജ് ഹോസ്റ്റലിൽ  ഒരു രാത്രി നടന്ന പരിപാടിയുടെ ഫലമായി കോള്ലേഗിനു ഒരു റേഡിയോ , ഒരു കമ്മ്യൂണിറ്റി റേഡിയോ തുടങ്ങാൻ തീരുമാനമായി.... അതിനു വേണ്ടി ഒരിക്കൽ തിരുവനന്തപുരം പോയതാണ് എന്റെ ആദ്യത്തെ പോസ്റ്റ്‌.......... ...
അവിടെ പോകാനായി ഞങ്ങൾ തിരഞ്ഞെടുത്തത് പാല - തിരുവനന്തപുരം ഫാസ്റ്റ് പാസ്സേങ്ങേർ ആയിരുന്നു. പാലയിൽ നിന്ന് 5 മണിക്ക് വിടുന്ന ഫാസ്റ്റ്. ഞങ്ങൾ എല്ലാവരും അതിൽ കയറി. ഞാൻ എന്റെ വീടിനടുത് നിന്നുള്ള സ്റ്റോപ്പിൽ നിന്നും മറ്റുള്ളവർ പൊൻകുന്നം സ്റ്റാൻഡിൽ  നിന്നും കയറി.. 103 രൂപ ആയിരുന്നു ടിക്കറ്റ്‌ ചാർജ്. അന്ന് ബസിൽ അത്യാവശ്യം ആളുണ്ടായിരുന്നു.തിരുവനന്തപുരം ടിക്കറ്റ്‌ ഞങ്ങൾ 4 പേരും.... 5 ഇന്റെ ബസ്‌ പൊൻകുന്നം കാഞ്ഞിരപ്പള്ളി മണിമല റാന്നി വഴിയാണ് പോകുന്നത്....പോകുന്ന വഴിക്ക് പുനലൂർ വെച് കാപ്പി കുടിക്കാൻ നിർത്തി ... സാധാരണ  കാപ്പി കുടിക്കുന്ന സമയം ആകാത്തത് കൊണ്ട് ഞാൻ ഒന്നും കഴിച്ചില്ല . അന്ന് ഞാൻ ഒരു ഡൈ ഹാർഡ് കെ എസ് ആർ ടി സി ഫാൻ അല്ലാതിരുന്ന കൊണ്ട് വണ്ടിയെ കുറിച്ചോ ഒന്നും ചോദിച്ചില്ല... ആകെ ഓർക്കുന്നത് അത് കെ എൽ 15 7011 ആയിരുന്നു എന്നാണ്...

ഇതായിരുന്നു അന്ന് ഞങ്ങൾ പോയ വണ്ടി...ഇന്ന് തിരുവനന്തപുരത്ത് ഉണ്ട്...