ട്രാൻസ്ഫർ കൊണ്ട് അമ്മാനം ആടുന്ന ബാങ്ക് ജീവിതത്തിന്റെ ഒരു ഭാഗം തീർക്കാൻ തിരഞ്ഞെടുത്ത സ്ഥലം ആണ് കാസറഗോഡ്. ചോദിച്ചു വാങ്ങിയ പോസ്റ്റിങ്ങ് എന്ന് പറയാവുന്ന തരത്തിൽ ഉള്ളത്. ചെന്നൈ എന്നാ മഹാ നഗരത്തിൽ നിന്നും ഉദുമ എന്നാ വില്ലജ് ലേക്ക് ഉള്ള പറിച്ചു നടീൽ.
ഇവിടെ ഒരു വീട് കണ്ടെത്തി സാധനങ്ങൾ എല്ലാം ചെന്നൈ നിന്നും അയച്ച ശേഷം കഴിഞ്ഞ ശനിയാഴ്ച കാസറഗോഡ് എത്തി. ശനി ഞായർ രണ്ട് ദിവസം വെറുതെ കിടക്കുന്നു. ഞായറാഴ്ച സാധനങ്ങൾ എത്തിയേക്കും. ശനിയാഴ്ച എങ്ങനെ സമയം കളയണം എന്നതിനെ കുറിച് സംശയം ഇല്ലായിരുന്നു.
ഏതേലും ആന വണ്ടിയിൽ കയറി സ്റ്റാൻഡിൽ ഇറങ്ങുക. എങ്ങോട്ടേലും പോകുന്ന ബസിൽ കയറി, ആ ബസ് പോകുന്നിടത്തോളം പോയി തിരിച്ചു വരുക. സാധനം എടുക്കാൻ ചെന്നൈ പോകുന്നതിന് മുൻപുണ്ടാരുന്ന ഞായറാഴ്ച ചെയ്തതും ഇതേ പരിപാടി ആയിരുന്നു. ഉച്ച സമയം ആയപ്പോഴേക്കും സ്റ്റാൻഡിൽ എത്തി. ഒരു തലപ്പാടി ബസിൽ കയറി തലപ്പാടി ഇറങ്ങി അതേ വണ്ടിക് തിരിച്ചു വന്നു.
ഇന്നും അതേ പ്ലാൻ തന്നെ ആണ്. അങ്ങനെ സ്റ്റാൻഡിൽ എത്തി. അടുത്തുള്ള കോഫി ഹോസ്സിലേക് പോയി പൊറോട്ടയും മുട്ട റോസ്സ്റ്റും കഴിച്ചു വീണ്ടും സ്റ്റാൻഡിൽ. ആദ്യം കണ്ട വണ്ടി പഞ്ചിക്കൽ LS. പിന്നെ ഒരു പെർള അടുക്കസ്ഥല LS. പഞ്ചിക്കലിന് പാലായിൽ നിന്നും ബസ് ഉണ്ട്. അങ്ങനെ ആ സ്ഥലം കേട്ടിട്ടുണ്ട്. പെർള ക്കു ഈ അടുത്ത കാലം മുതൽ കുമിളി നിന്നും ബസ് തുടങ്ങിയിട്ടുണ്ട്.
ഇനി ഇതിൽ ഇത് ബസിൽ പോകണം എന്നാ. കുറച്ചു സമയം ആ സ്റ്റാൻഡിൽ കറങ്ങി നടന്നു. അപ്പോഴേക്കും പഞ്ചിക്കൽ ബസിന്റെ ഡ്രൈവർ എത്തി. ബസ് ഇന്റെ ടൈമിംഗ് ഒക്കെ ചോദിച്ചു മനസിലാക്കി. അങ്ങോട്ടും ഒന്നര മണിക്കൂർ ഇങ്ങോട്ടും ഒന്നര മണിക്കൂർ. പിന്നെ ഒരു അര മണിക്കൂർ അടുത്ത വെയ്റ്റിംഗും.. പെർള ആണെങ്കിലും ഏതാണ്ട് ഇതേ പോലെ തന്നെ.എനിക്ക് എവിടെ പോയാലും സമയം കളയണം എന്ന് പറഞ്ഞപ്പോൾ, പഞ്ചിക്കൽ പോരെ, അതാണ് കുറച്ചു കാടും മലയും കാണാൻ നല്ലത് എന്ന് പറഞ്ഞു. അതേ പോലെ രാവിലെ പോയപ്പോൾ കർണാടക ടെ വക rtpcr ചെക്കിങ് ഉണ്ടാരുന്നു എന്നും പറഞ്ഞു. അത് സാരമില്ല പോരെ തിരിച്ചു പോരും എന്ന് പറയാം എന്നും പറഞ്ഞു നേരെ അതിൽ കേറി.
സീറ്റ് നമ്പർ 2 തന്നെ പിടിച്ചു. ടിക്കറ്റ് എടുത്തപ്പോൾ കണ്ടക്ടറും rtpcr നോക്കുന്നുണ്ട് എന്ന് പറഞ്ഞു.
അങ്ങനെ യാത്ര തുടങ്ങി.. ചെർക്കള ബോവിക്കാനം മുള്ളേരിയ ഒക്കെ കടന്നു പഞ്ചിക്കൽ എത്തി.മുള്ളേരിയ എത്തിയപ്പോൾ സീറ്റ് നമ്പർ 51 ലേക്ക് മാറി.അവർ പറഞ്ഞ പോലെ തന്നെ പച്ചപ്പും ഹരിതാഭയും നിറഞ്ഞ റൂട്ട്.
പഞ്ചിക്കൽ എത്തുന്നതിനു മുൻപ് തന്നെ കർണാടക യുടെ ചെക്ക് പോസ്റ്റ് ഉണ്ട്. ബാരിയർ വെച്ച് ക്ലോസ് ചെയ്താണ് പരിശോധന. എന്ത് കൊണ്ടോ അപ്പോൾ ഒന്നും ചോദിച്ചില്ല.. അങ്ങനെ നേരെ പഞ്ചിക്കൽ പോയിറങ്ങി. 20 മിനിറ്റ് ബ്രേക്ക് ഉണ്ട്..
വണ്ടിയിൽ നിന്നും പുറത്തിറങ്ങി നിന്നു.പഞ്ചിക്കലിൽ കാണാൻ എന്തുണ്ട് എന്ന് ചോദിച്ചാൽ ഒരു ചെറിയ കട, നാലോ അഞ്ചോ ലോട്ടറി കടകൾ പിന്നെ ഒരു പലചരക്കു കടയും.. പിന്നെ ubc ടെ ഒരു ബസ്.വണ്ടിയുടെ ഫ്രണ്ട് ഡോർ തുറക്കുന്നില്ലായിരുന്നു. അടുത്തുള്ള റബ്ബർ തോട്ടത്തിൽ കയറി ഡ്രൈവർ ഒരു കമ്പി എടുത്ത് അത് തുറന്നു കെട്ടി വെച്ചു.
കുറച്ചു ആൾകാർ ബസ് കാത്ത് നിൽപുണ്ടായിരുന്നു. അവരെല്ലാം സീറ്റ് പിടിച്ചു. ഇരുന്ന സീറ്റിൽ ബാഗ് വെച്ചിട്ടാണ് പുറത്തേക്കിറങ്ങിയത്. ഡ്രൈവറിനെ പരിചയപെട്ടു. മംഗലാപുരം റൂട്ട് ഓടുന്ന ഡ്രൈവർ ആണ്. മംഗലാപുരം ഓടാൻ തുടങ്ങാത്ത കൊണ്ട് ഇതിൽ ഓടുന്നു. പിന്നെ ബാങ്കിൽ ആണ് ജോലി എന്നറിഞ്ഞപ്പോൾ ലോണിനെ കുറിച് സംശയം. ഇതിനിടയിൽ ധാരാളം സ്കൂൾ കുട്ടികൾ വന്നു ബസിൽ കേറുന്നുണ്ട്. അങ്ങനെ 220 ആയപ്പോൾ അവിടുന്നു പോന്നു. മുള്ളേരിയ ആയപ്പോൾ തലക്കൽ ഒരു പ്രൈവറ്റ്. പിന്നെ കുറെ നേരം അവിടെ കിടന്നു ഗ്യാപ് ഉണ്ടാക്കി ആണ് പോന്നത്.
ഇനി പെർള പോകുന്നുണ്ടോ, ഈ വണ്ടി ചെന്ന് 10 മിനിറ്റിൽ പെർള വണ്ടി ഉണ്ടെന്ന്. അതിൽ പോയാൽ ഒരു 730 ആകുമ്പോൾ തിരിച്ചു വരാമെന്നു പറഞ്ഞു. ഇനി പോയാൽ തിരിച്ചു വരുമ്പോൾ ഉദുമ വണ്ടി ഇല്ലേൽ ഓട്ടോ പിടിച്ചു പോകേണ്ടി വരും എന്നതിനാൽ അത് ഉപേക്ഷിച്ചു. ഇനി ഒരിക്കൽ പോകാം എന്നും പറഞ്ഞു അടുത്ത കാഞ്ഞങ്ങാട് ബസിൽ കേറി വീട്ടിലേക് പോയി.